1. Dereito de desistimento
De conformidade coa normativa vixente en materia de defensa das persoas consumidoras e usuarias, a persoa compradora ten dereito a desistir da compra realizada na nosa tenda en liña nun prazo de 14 días naturais, contados desde o día en que ela (ou un terceiro indicado por ela, distinto do transportista) reciba o produto, sen necesidade de xustificación.
Para exercer o dereito de desistimento abonda con comunicalo de forma inequívoca a través do correo electrónico colabora@metelleungolocancro.com, indicando os datos da persoa compradora, o número de pedido e o produto adquirido.
2. Condicións para as devolucións
- O produto deberá devolverse completo e en bo estado, sen demora indebida e, como máximo, nos 14 días naturais seguintes á comunicación do desistimento.
- A persoa compradora só será responsable da diminución de valor do produto que resulte dunha manipulación distinta da necesaria para establecer a súa natureza, as súas características e o seu funcionamento.
- Os produtos de carácter solidario, cuxos beneficios se destinan a fins sociais, están suxeitos ás mesmas condicións legais de devolución, sen prexuízo do carácter benéfico da compra.
3. Procedemento de devolución
Unha vez comunicada a intención de desistir, a asociación facilitará as instrucións para o envío do produto.Os
gastos de devolución correrán a cargo da persoa compradora, agás no caso de que o produto recibido presente defectos de fabricación ou non se corresponda co pedido realizado.
4. Reembolsos
Se exerces o dereito de desistimento, reembolsarémosche todos os pagamentos recibidos, incluídos os gastos de envío ordinarios, agás os custos adicionais se escolliches unha modalidade de entrega distinta da menos custosa que ofrecemos.
O reembolso farase sen demora indebida e, en todo caso, antes de que transcorran 14 días naturais desde a data en que nos comuniques a túa decisión de desistir. Poderemos reter o reembolso ata recibir o produto ou ata que presentes unha proba da súa devolución, segundo o que suceda primeiro.
O reembolso realizarase polo mesmo medio de pagamento empregado na compra, salvo que acordes expresamente outro, e non che suporá ningún custo.
5. Produtos defectuosos ou erro no envío
No caso de que o produto recibido estea defectuoso ou non se corresponda co solicitado, a asociación asumirá os gastos de devolución e procederá, segundo corresponda, ao
envío dun novo produto ou ao
reembolso íntegro do importe da compra.
6. Exclusións
Non se admitirán devolucións nos seguintes casos, conforme á normativa vixente:
- Produtos personalizados ou elaborados especificamente para a persoa compradora.
- Produtos que, pola súa natureza, non poidan ser devoltos unha vez usados.
7. Contacto
Para calquera consulta relacionada coa presente política de devolucións e reembolsos, a persoa usuaria poderá poñerse en contacto coa asociación a través do correo electrónico indicado na web.
